Home / Balochi / Articles / بالاچ ءِ مہر ۔۔۔۔۔۔۔۔ ملّا مراد

بالاچ ءِ مہر ۔۔۔۔۔۔۔۔ ملّا مراد

بالاچ ءِ مہر
ملّا مراد

بالاچ کہ آبیر گیر ءِ نامءَ زانگ بیت ءُ بلوچانی ہمک ہندءََ د مگاں آئی ءِ سرمچاری ءُ تمردی ءِ حبر ہمک مردم ءِ دپءَ پہ مڑاہ ءُ مزن مرّی گرگ بیت کہ آوتی برات دو داؔ ءِ بیر ءِ گرگ ءِ ہاترءَ گوں بلیدیاں میڑ کنت ءُ وتی زہرگءَ زہر آپ دَنت ءُ آئیءَ را زند آپ ءِ رنگءَ زند بکشیت۔ بیر گیری ‘ جنگ ءُ مڑ ‘ با ہوٹانی پلگارگ ‘ مہر گوں وتی ڈیہہ ءُ راج ءَ اے سرجمءَ بلوچ ءِ زند مان ءِ تہا انچشں پدّرنت کہ زند مان ءِ بہر ءُ وہد ءِ لوٹ اِش ہم ماگُشت کنیں،بلے بالاچ ءِ زند وڑءَ کہ مانگا ہے چاریں تہ آچہ ایندگہ اہد ءُ زمانگانی زند مانا ںجتا پدرائی کنت۔
بالاچ یہ دودا ءِ بیبر ءِ گرگ ءِ ہاترءَ انچوش ہدوکناک اِنت کہ آئیءَ ایوکا بیرے گرگی نہ اِنت اے پژ درءَ آئیءَ رایک نوکیں در شمے ءِ پجار کنائینگی اِنت کہ آوتی اے کار ءِ کنگءَ پہ بے سوبی سوبین بیت۔
بالاچ ءِ زند ءِ تہا بیدچہ بیر گیری ‘ کوہ گردی ‘ کینگ ءِ لہڑپاد تراپ ءُ بیہارءَ ابید دگہ انچیں ندارگ گندگا کا ینت کہ آئی ءِ زند ءِ مستریں لوٹ ءُ زند ءِ تاہیردوزواہ گُشگ بنت۔
وہدے ماپگری بورءَ تا چیں تہ ماراں بالاچ پہ بیر ءِ گرگءَ اَنچوش بے تاہیر گندگا کیت کہ آپہ وتی مزن بوہگ ءِ باندات ءَ اِشتاپی اِنت تنکہ آوتی زر د ءِ اَرمان ءَ زُوت پیلو بکنت
من مزن باں ءُ چو ٹواں بلاں
ماں سرءَ ہمبو ہیں گُلاں لکھاں
وہدے آمزن بیت تہ پہ وتی آریپءِ(دودا ءِ) ءِ کوشءِ بیرءِ گرگ ءِ ہاترءَ درکپیت تہ اے ندارگ مارا یک انچیں مہرے ءِ شونءَ دنت کہ آئی ءِ گندگا گوں مئے وابینگیںچم ءُ دل ہوریءَ جاہ سرنت، آگوشینت
من کمانے پہ لٹیرے وے زیراں
من دو سد تیر پہ لاگریں گوک ے
ننداں من سوہان کناں تیراں
گوں چگرد درّیں آپ وارتگیں سنگاں
چہ اے شعرءَ آئی ءِ عشق ءِ رانگ ءُ دروشم پدّر بیت ءُ آئی ءِ بیچاڑی ءُ ہدوکنا کی گوں بلیدیاں مڑ کنگ ءِ ہاترءَ اِنت ءُ دوداؔ ءِ بیر ءِ گرگ اِنت آئی ءِ نیّتءِ ندارگءَ چوش پیشداریت گوشئے آئیءِ دست ہالیگ اَنت ءُ ماں زند مانءَ آئیءَ رادگہ ہچ دسترس ءُ مال ءُ مڈی نیست ۔ہمے حبر مارا کمّے جلگ ءُ پگر پر مائیت کہ آگوشیت ۔
من کمانے پہ لٹیروے زیراں ‘‘ باریں آئیءَ را دگہ لیڑہ اَست یا آئی ءِ ہمے یکیں لیٹر ہ انت ءُ کمان ءِ نہاد ہم لیٹرہے ءِ بہا اِنت یا دوسد تیر پہ مادگیں گو کے، کہ آئی ءِ مال ءُ مڈی ہمیش انت ءُ بس کہ آپہ وتی برات ءِ بیر ءِ گرگ ءِ ہاتر ء بہااِش کنت ءُ پہ وتی عشق ءِ ہاترا قربان اِش کنت کہ آ عشقءَ را ما دودا ءِ بیرءِ گرگءِ عشق گُشت کنیں۔ اِد ا مارا اے حبرہم ٹوہینیت کہ بالاچ گُشیت کہ نی من مزن بیتگاں ءُ ساجواں پہ وتی برات ءِ بیر ءِ گرگءَ ۔ گوںہمے شعرانی گُشگءَ آوتی دژمناں(بلیدیاں) ٹوہینگ ءُ بیہار دیگ ءِ جہدا اِنت کہ نوں آوتی اِنانءَ بہ بنت کہ من وتی وامءَ چہ آہاں گراںءُ آ ہم چہ اے وامءَ بے حال مہ بنت۔
وہدے ماانگتءَ چاروبِچارکنیں تہ مارا بالاچ ءِ تہا ہما گنوکی گندگءَ کیت کہ شے مریدءَ مہری زندمان ءِ تہا مارا گندگ بیت کہ گُشئے آئی ءِ دوست نشگ ء پمائیءَ و داریگ اِنت ءُ آماں تلار ے ءِ لمبءَ نشتگ ءُ تیرا سوہان کنگا اِنت آئی ءِ وداری ساہت آئیءَ راگوانک جنگا اَنت۔ یا ہمے ندارگءَ ما بچاریں کہ آوہدے بیبگر ءِ ہلکءَ پہ کُشت ءُ کوشءَ روت یک انچیں ساہتے کہ آئی ءِ شعرانی تہا مان اِنت کہ ہلک ءِ کچک تْرہتگ اَنت پیریں ماں گندلاں واب اَنت ءُ کسانیں ایمنیءَ واب گندگءَ اَنت ءُ بالاچءَ ہمے پاسءَ گُشئے آئی ءِ دوستءَ و داری وہدے داتگ کہ آ لَہم لہم ءَ وتی گاماں دور دیانءَ پہ وتی دوست ءِ دیدارءَ وہدے آہلکءِ سرابیڑ کنت ءُ ہمے بیڑ ءِ تہا بیبگر ءِ گوٛہارءِ لوگواجہ ءُ بالاچ ءِ نزّیکیںسیاد ایسپ پہ نزانتکاری جنگ بیت ، ایشی ءَ بیبگرلیکیت ءُ پہ وتی زرد ءِ تاہیردیگءَ آئی ءِ ہوناں چَنکاں کنت ءُ چونوک آپ ءَ تِنگیت ءِے۔
اے وہدئَ گُشے بالاچ بے تاہیر ِانت ءُ دودا ءِ ارواہءَ گوانک جنگا اِنت کہ بگش تئی بیرءَ چہ کجام سلاہءَ بگراں چہ وتی زِرمستیں کٹارءَ یا تپرزینءَ یا کہ گوں تیر کمانءَ، کہ وہدے سراپ گیپت تہ بیدچہ ساہگیریءَ دگہ ہچ رنگیں لیب نہ کنت ءُ گُشے دودا ءِ ارادہ ہم پسّو دنت کہ گوں سرا پیں کمان ءِ تیراں…
آ پہ وتی برات ءِ بیرءِ گرگ ءُ بیبگرءِ کُشگءَ انچوش بے تاہیر گندگا بیت کہ انچوش مست توکلی پہ سمّوءَ اَنت ۔

Share on :
Share

About Administrator

Check Also

Balochistan’s first Telefilm SANGAT to hit Cinemas

QUETTA:Balochistan’s First contemporary Movie “Sangat” to be released soon in cinemas to entertain Balochi audience. …

Leave a Reply

'
Share
Share
Social Media Auto Publish Powered By : XYZScripts.com