Home / Archives / دہن ہم مننگ کیک

دہن ہم مننگ کیک

انتون چیخوف                                                                                                                                                                                     

اسہ دے ءس ای تینا چناتا آیا، “ولینی لیونائے” تینا خواننگ نا کوٹوٹی حساب مالوم داری کن بٹنگاٹ- “تول ولینی لیونا” پاریٹ تہ بہ کہ اینوتینا ہل و تس نا حساب ۓ کین- نے ہم پیسہ نا ضرورت مروۓ- ولے نی داخو شکوڑس جوڑ مسنّس کہ تنخواہ کہ تینا وختس پا پیسہ-
خیر بہ داسا تو حساب کین- ای و نی نا تنخواہ ۓ سی “روبل تونا” تخاسن-

چہل……….

نہ سی (٣٠)……… ای داڑے نوشتہ کرینٹ تہ- ایہون ہم ای آیا تے شروع آن سی روبل تسنٹ- نی داڑے ارا تو آن کاریم کننگ ٹی اس ؟

ارا تو پنچ دے آن-

“بیر ارا تو آن- ہند آدے تو ای داڑے لکھا نٹ- دا حساب اٹ نا غوٹ شصت روبل جوڑ مریرہ- داتیاں تو اتوار تے کشہ- او “کولیا” ۓ ہم اتوار نا دے خوانفتوینس- اے دے تیا چکر کننگ کن اناسس- چرچ نہ چھٹیک مسہ دے پین حساب کہ-“

آیا نہ مون خیسن اڑسینگا- تینا کوس تو ہلک تما- با آن تہ اسہ لوزس پیشن متو-

“عید نہ مسہ چھٹی پین——– داتا دوانزدہ “روبل” پین کم مریرہ- “کولیا” چار دے نا جوڑ اس- او دے تیا ہچو گڑاس خواںتوسس- بیرہ “ویریا” ۓ خوانفیسس- مسہ دے نا دنتان تیٹی خل اس او کنا ارائی ارغ آن پد نے ہننگ نا پاریس- دا غٹ دوانزده او ہفت ‘نوزده’ روبل مسر- داڑان پد بچیرہ چہل و یک روبل چائسس-“؟

“یولیا ولینی لیونا” نا چپیکوخن خیسئن اڑسینگا- خن تیٹی تہ خڑینکاک بسئر- جان آ تہ لڑزہ ئس شولنگا- جکہ ئس تدتما اوڑتون- بامس ۓ تینا پاک کرے ولے با آن تہ ہچو ہیتس پیش تمیتو-

“پوسکنا سال نا دے تیانی اسہ کوپ و پرچ ئس پرغاسس- داتا ارا روبل پین مسر- دا کوپ ءِ کہ نی شیشہ شیشہ کریس بھلو قیمتی ءَ رزان ئس اس- ننا باوہ پیرہ نا وخت نا اس- ولے الۓ داہیت ۓ داڑان بیدس نا لا پرواہی آن “کولیا” درختا لگا کوٹ ۓ تینا حرّا- دانا دھ روبل پین نا تنخواہ آن کم مریرہ- نا بے خیالی نا سوب آن اراٹی کاریم کروکا “ویریا” نا موچڑیک دزنگار- نا تو دا کاریم ۓ کہ نی ہر گڑاۓ تینا نظر آن کشس——- انتۓ کہ نے تنخواہ رسینگک- دانا مطلب دا مس کہ نے آن پنچ روبل پین ہلنگے-“
نی جنوری نا دھ تاریخ آ کنے آن دھ روبل وام ہلکسس——–“
“ای ——-ہلتنٹ” آیا تین تون رٹیسہ اس-
“ای تو دا زر آتے نوشتہ کرینئٹ”
“جوان! ہندن مروۓ”
چہل یک آن بیستءَہفت پیش تما تو بیرہ چہانزده بچار-
دا غریب نا ہڑتوما خنک خڑینک وہیفیر- بامس نا تہ خیداک گروشک تسّر-

” ای بیرہ اسہ وارس نا ارائی آن مسہ روبل وام ہلکسئٹ- داڈان بیدس پین ہچ وام کنے آ اف-“

“تو جوان!داتے تو نوشتہ کتنئٹ- چہاندہ آن مسہ روبل پین کم مسّر- سلیسر داسا یانزده روبل- تو ہل مسہ مسہ—–مسہ اسہ او اسہ —-روبل—–داغٹۓ نا مسّر”
داوڑ یانزدہ روبل دوٹی تہ تسٹ- لڑزوکا دوتے تون دا زرۓ جیب ٹی شاغا “رحم و شکرے نا کنا خدا” تین تون بڑا-
غصّہ غان ای درک تسئٹ کوٹوٹی زوزو پیری کننگ ءِ شروع کریٹ-
“دا انت رحم و شکر نا ہیتے کریس- آخرانتۓ؟ حریفیٹ ئی ان تہ-
“ایلواراتے ٹی کنے ہچس رسینگتؤکہ——“
“اڈے غریب! ہچس تیتورہ نے؟ ولے داٹی حیرانی نا ہیت اس ہم الو!”
“ای تو بیرہ نے تو مسخرہ کریٹہ- اینو نے بے رحم اونا تڑس ءَ سبخ ئس تسّٹ-
داسا نے ہشتاد روبل تننگ ٹی اٹ- دا زراک دا لفافہ ٹیءَ- آخر نی ہچو ھیتس تنا حق نا ہلنگ کن انتۓ کتویس- ہیت انتۓ کپیسہ- نا انت خیالے کہ نی داوڑ چُپی و بے جیڑه آن دا ڈغارا زندہ سلنگ کیسہ- داخس چُپی و احمخی انتۓ؟ زوراک زورے منک”
او کرار سیا بشخندہ کرے- ای کہ مونا تہ ہراٹ تو سما تما-
“ہودہن مننگ کیک”
ای اوڑان دانا روا انگا مسخرہ و ملنڈ کن معافی خواہیسٹ- او حیران سلوک اس کہ او نا ہشتاد روبل ۓ دوٹی تہ تسّٹ- خلوکا است تون کنا منّت وار مس سر ہلک- اونا راہی مننگ تون کنے خیال بس، “دا دنیا ٹی زور آور مننگ حق تننگان نہ کننگ آسان ۓ-“

دا نوشتوک  “گل بنگلزئی” نا کتاب نا گمان ناٹک (افسانے)- براھوئی بدل- آن النگآنے.

Share on :
Share

About Administrator

Check Also

Four bodies and skeletons recovered from Panjgur

QUETTA:  Levies force has recovered four mutilated bodies of unknown persons from Prom close to …

Leave a Reply

'
Share
Share
Social Media Auto Publish Powered By : XYZScripts.com