Home / Archives / مُلّا فاضل ءِ زِندءُ اِزم ءِ سرا یک روچی راجی سیمینار

مُلّا فاضل ءِ زِندءُ اِزم ءِ سرا یک روچی راجی سیمینار

التاپ بلوچ

بلوچی انسٹی ٹیوٹ آف لنگویج اینڈ کلچر، یونیورسٹی آف تربتءِ چیز دستی ءَ ماں مُلّا فاضلءِ زِندءُ اِزم ءِ سرحال ءَ یک روچی راجی سیمینارے ماں تربت سرکٹ ہاؤس ءَ برجم دارَگ بوت ۔مراگشءِ پاگواجہہ IBLC ءِ ڈائیریکٹر پروفیسرڈاکٹر عبدالصبور بلوچ اَت۔مراگشءِ حاسیں مہمان،گوٛستگیں صوبائی وزیراعلیٰ ءُ نیشنل پارٹی ءِ سرکماش ڈاکٹر عبدالمالک بلوچ اَت۔مراگشءِ دو بہر اِتاں اولی بہرءَ IBLC ءِ ملافاضل چیئرءِ سرکماش اسسٹنٹ پروفیسر طاہر حکیم بلوچ،پروفیسر ڈاکٹر گل حسن بلوچ،پروفیسر ڈاکٹر عبدالصبور بلوچ،ڈاکٹر عبدالمالک بلوچءَ فاضل چیئر،IBLC یونیورسٹی آف تربتءِ پہ بلوچی زُبانءُ دودمانءَ کِرد،آئی ارزِشتءُ بانداتءِ چیلنجزانی بابتءَ تران کُت ءُ گُشت کہ بلوچی زبان ءُ کلچرءِ دیمروئیءِ واستا IBLC ءُ یونیورسٹی آف تربت گوں اِندگہ زُبان زانت،کوّاس ءُ چاگردءِ زانتکارءُ لبزانتاں ہور وَتی گاماں دیما برگءَ اِنت ءُ بازیں تکءَ انچیں کارانی بنگیجی بوتگ کہ پہ بلوچی لبزانکءِ بانداتءَ نیکیں مِستاگ اَنت۔آہاں تران کنانءَ گُشت کہ ڈاکٹر عبدالمالک بلوچءِ حاسیں دِلگوشیءَ یونیورسٹی آف تربت ءُ IBLC ،فاضل چیئر اے پیمیں مراگشاں برجم دارگءَ اِنت۔ڈاکٹر عبدالمالک بلوچءَ تران کنانءَ گُشت کہ اگاں منءَ قانونءُ رہبنداں اجازت دات گڑاں من وتی ایم پی اے فنڈزآں یک کروڑ کلدار پہ بلوچی IBLC ءِ ہما لوٹانی واستا دیاں کہ آہانی ادارہءَ ہما پڈا ضرورت اِنت۔تران کنوکیں اِندگہ مردُماں گوٛشت کہ یونیورسٹی آف تربتءِ بُن ہِشت جوڑ کنگءَ ابید بلوچی ڈیپارٹمنٹءَ را یک انسٹی ٹیوٹ ئے ءِ بستارءَ آرگءِ واستا سابق صوبائی وزیر اعلیٰ داکٹر عبدالمالکءِ جہد یات کنگ بنت ءُ اے پڈا انگت ما امیت داراں کہ آ مئے کمکءَ کنت۔

مراگش ءِ دومی بہرءَ ملا فاضلءِ زِندءُ اِزم ءِ سرا بلوچی زُبانءِ زبان زانت،کوّاس ءُ پولکار،لبزانت ءُ ادیباں وتی وتی مقالہ پیش کُرت آں۔اِشانی تہا سلیم ہمراز ،صادق صباء،سنگت رفیق ،شرف شاد،ڈاکٹرغفور شاد،ڈاکٹر رمضان بامری،اے آر داد،رحیم بخش مہر،ممتاز یوسف،غلام فاروق بلوچ،یوسف گچکی ہوار اِتنت۔وہدءِ کمّیءِ سوبءَ ڈاکٹر گل حسن بلوچءُ ڈاکٹر عبدالصبور بلوچءَ وتی مقالہ نہ ونتاں۔

تران کنوکاں اے سرحال نوکیں بلوچی شاعریءِ سرا مُلّا فاضلءِ شاعریءِ اَثر،، مُلّا فاضلءِ شعری جوڈِشت، مُلّا فاضلءِ چاگردی ءُ بُن دپتری فکرءُ دودمان،مُلّا فاضلءِ شعری درشانداب،ملا فاضلءِ شاعریءُ فوک وزڈم،مُلّا فاضلءِ شاعریءِ سرا فارسی زُبانءِ اثر،فاضلءِ شاعریءِ تکنیک،فاضلءِ شاعریءِ اِزمی تکءُ پہنات،چار پاس ءُ چارحیالءُ ایندگہ سرحالانی سرا تران کُت۔گڈسرا پروفیسر ڈکٹر عبدالصبور بلوچءَ تران کنانءَ گوٛشت کہ فاضل شُناسیءِ بابتءَ اے یک گوٛنڈیں جہدے بوتگ کہ ما کُتگ ءُ ما سرپد باں کہ مزنیں حدّےءَ ما اے بابتءَ سوبین بوتگاں۔آئی گوٛشت کہ اے یک بنداتے بوتگ ءُ اے درچ الّم دیما روت۔آئی ءَدرسیں بہر زوروکانی منّت گپت ءُ مراگش ہلاس بوت۔اے مراگشءَ بلوچی وانوکیں تیوگیں نودربر،چاگردی سروکءُ ورکرز،ءُ تیوگیں پارٹیانی ضلعی جہگیر اتکگ اَنتءُ مزنیں کِساسےءَ زالبول ءُ مردیناں بہر زُرتگ۔

Source: haalhawal.com

Share on :
Share

About Administrator

Check Also

Shadow of ‘engineering’ hangs over Pakistan election

Political leaders in Balochistan province claim they are being threatened to switch parties, alleging army …

Leave a Reply

'
Share
Share
Social Media Auto Publish Powered By : XYZScripts.com