افغان مہاجرین کو شہریت دینا قبول نہیں کرینگے ،خورشید جمالدینی

افغانستان کے جن علاقوں میں حالات بہتر ہیں وہاں کے باشندوں کو واپس بھیجا جائے جبکہ دیگر مہاجرین کا ڈیٹا اکھٹا کیا جائے ، مہاجرین کو ووٹ ڈالنے، جائیداد خریدنے ، شناختی کارڈ کا حق نہ ہو تو وہ یہاں رہ سکتے ہیں ،آج نہیں تو کل مہاجرین کو جانا ہوگا ملک میں غیر رجسٹرڈ غیر ملکی کاروبار کر رہے ہیں یہ مسئلہ پورے ملک کا ہے۔

انہوں نے کہا کہ پہلے بھی مطالبہ کیا گیا تھا کہ مہاجرین کو کمپیوں میں رکھا جائے، افغانی پاکستان میں جرائم میں ملوث ہیں وہ افغانستان جا کر اپنے ملک کی بہتری میں کردار ادا کر سکتے ہیں ۔ منشیات اور کلاشنکوف کلچر افغان مہاجرین کے جانب سے پھیل رہی ہے ۔

امن وامان اور کاروبار پر منفی اثرات مرتب ہو رہے ہیں ۔ہمارے کاروبار اور جائیدادوں پر قابض ہو چکے ہیں اگر ان مہاجرین کو شہریت دینے کی کوشش کی گئی تو بی این پی بھرپور احتجاج کریگی۔ اور بھرپور مخالفت جاری رکھے گی ۔ کیونکہ افغان مہاجرین کا سارا بوجھ بلوچستان کے اوپر ہے بلوچستان کے عوام نے بہت انکی مہمان نوازی کی ۔ اور اب بی این پی انکی باعزت طریقے سے واپسی چاہتی ہے

Source: dailyazadiquetta.com