Home / Archives / Analysis / امریکہ ءُایران ءِ جنجال ءُ مئے دمگ۔

امریکہ ءُایران ءِ جنجال ءُ مئے دمگ۔

شے بیبگر مراد

٩٠ ءِ دھک ءِ سویت یونین کہ پُرشیت روس ہمے حد ءَ مالی حوالہ ءَ وار ءُ نزور بیت کہ لینن ءِ مجسمہ ءَ بہا کنگا سر گیپت ۔ یعنی روس تیوگءَ زوال ءِ شکار بیت ،امریکہ یکتائیں سپر پاور جوڑ بیت ، دنیا یونی پولر ورلڈ ءِ جوڑ بیت کہ اودا امریکہ ءِ بادشاہی بیت ۔ءُ گوشنت کہ دومی جہانی جنگ ءَ چہ شروع بیتگ ایں سرد جنگ سویت یونین ءِ زوال ءَ گوں آسر بیت ۔

بلے روس ءِ اے زوال بس پہ 10 سال ءِ واستہ بیت ۔ ءُ اے 10 ایں سال بزاں 1990 تا 2000 دنیا ءَ پُر ایمنیں سال بنت ۔ سویت یونین پروش ءِ وہد ءَ روس ءِ است ایں سروک ولادی میر پیوتن روسی اینٹیلی جنس کے جی بی ءِ توک ءَ کرنل ءِ عہدہ ءِ سرا بیت ۔بازیں تجزیہ نگار ءِ گوشنت کہ پیوٹن کے جی بی ءَ پہ روس ءِ “ریوائیول” ءِ ھاتر ءَ پہ پلان دیماُآئورتگ ۔

‎ورلڈ ٹریڈ (ٹوینز ) ٹاورز اٹیک ٩/١١ ءَ پد دنیا پدا سرد جنگ ءِ آماچ بیت ۔اکوپائی دی وال اسٹریٹ ءُ عرب اسپرنگ ءَ چہ پد دنیا پدا گیش پر آشوب بیت ۔ امریکہ ءُ روس ءِ میان ءَ سرد جنگ بنا ہ بیت (چین ءِ ہم معاشی کردار شموشگی نہ انت بلے آ اِدا قابل زکر نہ ایں ) مرچی روس پدا ہما جاگہ ءَ سرانت کہ امریکہ یئے نہ تہنا تنگ کتگ بلکن آئی ءِ پراکسی جنگ ءُ پالیسی چہ امریکہ ءَ باز توان تر انت ۔آ چائے افریقہ ببیت یا مڈل ایسٹ یا امریکہ ءِ کش ءُ گور ءِ ملک بہ بنت ھرکجا روس چہ امریکہ ءَ دست ءِ دیما انت ۔ حتٰی کہ روس ءَ شام ءِ توک ءَ امریکہ ءِ کٹیتگیں جنگ امریکہ ءُ آئی اتحادیانی شکست ءَ بدل کت ۔

چش کہ بلوچی ءَ گوش انت مدگ ءِ نشانی پرک انت ہمے وڈ ما ہر کجا روس ءَ گندیں ہودا ایران ءَ لازم گندیں بزاں روس باز جاگہ ءَ چیریں بلے ایران ہر کجا درا انت ءُ باز جاہ ءَ روس ءَ بغیر ایران ءِ وتی ہم مفاد است انت ،بزاں مڈل ایسٹ ءِ توک ءَ روس ءِ بد ماش ایران انت ءُ ایران ءَ پہ وت ہر کجا پروکسی داشتگ کہ آ پہ روسی مفاداں کار کنگ ءِ انت ۔

ہر کجا کہ ما ایرانی پروکسی اں گندیں آیانی منظم کنوک ہودا ما یک نامے لازم اِش کنیں۔آ نام انت جنرل قاسم سلیمانی ۔قاسم سلیمانی مرچی سھب ءَ بغداد ایئر پورٹ ءَ گوں دگے لہتیں ایرانی سینئر فوجی اگدادار ءُ لہتیں عراقی شیعہ ملیشیا ئے سروکانی گوما امریکی ڑرون اٹیک ئے ءَکشگ بیتگ ۔

قاسم سلیمانی ایرانی ریولوشنری گارڈ ءِ القدس برگیڈءِ چہ 1990 ءَ سروک بیتگ، ءُخامنائی ءَ پد ایران ءَ دومی پاور فل تریں مردم بیتگ۔حتی کہ سلیمانی ءِ دیما صدر حسن روحانی ءَ اچ واک ءُ اختیار نہ بیتگ، ءُ بی بی سی ءِ گوشگ انت کہ سلیمانی ایران ءِ فارن پالیسی پلانر بیتگ ۔ وزیر خارجہ جواد ظریف سلیمانی ءِ انڈر انسٹرکشن بیتگ ۔

اے ہم گشنت کہ نا تہنا یمن ،سوریا بلکن ءءَ ایران ءِ ڈنی کلیں فوجی مہم جوہانی ، کل دنیا ءَ جنگی پلانر ءُ سربراہ سلیمانی بیتگ ، ءُ ہوتی اں سعودی ءِ سرا ہرچ میزائل اٹیک ءِ کتگ یا امریکی فوجی بیسانی سرا ہرچ اٹیک ءِ بیتگ یا کمو وقت ءَ پیش کہ ما زِر ءَ آئل ٹینکرزانی سرا اٹیک بیتگ انت اے کلانی زمہ دار ءُ ماسٹر ماہنڈ سلیمانی بوتگ

سلیمانی ءِ کوش ءَ پد دنیا ءَ تیل ءِ نہادانی توکا مزنیں گیشی اتکگ ءُ اے ساعت تہ تیل ءِ نہاد تمام دنیا ءَ گیش بوہان انت قاسم سلیمانی ءَ کشگ ءَ رند ،بازیں ملک اں وتی سیکورٹی سخت کتگ انت ،تنیگا چین ءُ روس ءُ برطانیہ ءِ ہوار بازیں ملک اں اے حوالہ ءَ وتی بیان جاری کرتگ انت ، روس امریکہ ءَ الزام جنگ انت کہ آ خطہ ءِ توک ءَ تاگت ءِ توازن ءَ تبدیل کنگ لوٹیت ءُ چائنہ ءَ شہ دوئیں ملک اں اپیل کتگ کہ آلات اں نارمل بکن ات ،

حزب اللہ ءَ جار پرینتگ کہ دنیاءِ توک ءَ ہر کجا آئی ءِ منوگر است اں آیانی سرا فرض انت کہ سلیمانی ءِ بیر ءَ بگر انت ،اسرائیل ءَ وتی آرمی اسٹیٹ آف ایمرجنسی ءِ توک ءَ کتگ ،اسرائیل ءِ ترس انت کہ ایران ءِ پروکسی خاص حزب اللہ ہمسائیگ ایں ملک اں چہ اسرائیل ءِ سرا راکٹ ءُ میزائل اٹیک مکنت۔ مڈل ایسٹ ءِ ہم بازیں ملک اں کہ اودا شیعہ اپرائیزنگ است آیاں وتی سیکورٹی الرٹ کتگ ۔

کلیں تجزیہ نگار اے گپ ءِ سرا تپاک کنگا انت کہ ایران ءِ اسلامی انقلاب 1980 ءَ تا روچ ئے مرچی قاسم سلیمانی ءِ کوش ایران امریکہ مستریں ٹسل انت۔ ءُ کلیں تجزیہ نگار اے گپ ءِ سرا تپاک انت کہ ایران ءِ ردعمل شدید بیت کنت بلے آ سر جنگ ءُ جیڑگ ءَ انت کہ ایرانی ممکنہ رد عمل آخر چے بیت ۔ پرچہ کہ اے واقعہ امریکہ ءِ ایران ءِ سرا اعلان ءِ جنگ نہ بلکن جنگ ءِ جند انت ءُ پدا ایران ءَ سئے روچ ءِ پرس ءِ اعلان کتگ ءُ بی بی سی ءِ تجزیہ انت کہ مڈل ایسٹ ءَ اے یک جنگے ءِ بنیاد انت ، ایران ءَ بیان داتگ کہ آ امریکہ ءَ سخت شہ سخت تریں جواب دنت

مردم گمان کنگا انت کہ اے واقعہ ءَ چہ پد بیت کنت ایران ءِ پروکسی بازیں جاگہاں امریکی انسٹالیشنز انی سرا اٹیک بکن انت۔ آئوکیں ہفتگ پہ دنیا ،خاص پہ مڈل ایسٹ ءَ سک اہم انت ءُ چاریں کہ ایران ءُ آئی ءِ پراکسی خاص حزب اللہ چے ری ایکشن کن انت ۔

چد ءُ اہم تریں سوال اے وتی جاگہہ ءَ پشکپتگ کہ روس ءَ اگاںگو ں ایرانی پراکسیانی ھوری ءَ امریکہ ءَ را مڈل ایسٹ ءِ توک ءَ ٹف ٹائم داتگ گڈا قاسم سلیمانی ءِ کوش ءَ پد روسی ءِ اثر ہمے وڑ ءَ مانیت اگاں ناں ؟

کلیں ڑپلومیٹس ءُ تجزیہ نگار اے گپ ءِ سرا سدک انت کہ نی امریکہ ءُ ایران ءِ نیام جنگے بیت ،
بلوچ ہمے خطہ ءِ نندوک انت ،اے جنگ ءَ بلوچ ءَ پہ چے سیت ءُ چے تاوان گون بیت ایشی ءَ بائد کہ بلوچ دانشور بگیشین انت۔

Share on :
Share

About Administrator

Check Also

World Sindhi Congress denounces the arrest of PTM leader

London: The chairperson of World Sindhi Congress (WSC) Rubina Shaikh issued a statement denouncing the …

Leave a Reply

Share
Share
Social Media Auto Publish Powered By : XYZScripts.com