Home / Archives / بلوچ ءِ کلچر یا بلوچیت

بلوچ ءِ کلچر یا بلوچیت

زبیر بلوچ

مروچی بلوچ چاگرد ءَ بلائیں جستے ءَ سر چیست کتگ ۔بگندے ہر نیمگ ءَ زمین ئے جمبینتگ ہر پیر و ورناہ ئے پریشان کتگ۔ جست ءُ پُرسے بنا ئے کتگ۔ گپ بہ بیت ، ھؤ! گپ پرچا مہ بیت ۔ شر انت کہ ہمے بہانہ چار سنگت نبشتہ کنگ ءَ انت ۔ چار سنگت گپ۔۔۔۔ کسے گپ جننت گڈا راہ ئے گیشیت ۔ ہمے بے راہی ءَ مہلوک پرے ھال ءَ کتگ ۔

مرچی باندا مہلوک کلچر ءَ سک پریشان کتگ لہیتں گشیت بیا کہ اے سکیں اھمکیں کارے چی ءَ کہ کلچر یک روچی کار ئے وا نہ انت، کلچر تئی زندمان ءِ گوازینگ ءِ وڈ ءُ ڈول انت۔ تئی رویہ انت۔ کلچر ءَ تو ھر روچ پریکٹس کنگ ءَ ئے گڈا وھدے کہ تو یک کارئے ھر روچ کنگ ءَ ئے آ را تو چو یک روچے ءَ تہنا دگنیا ءَ پیش دارے۔ بلے دومی نیمگ ءَ مردوم گش انت کہ بلوچ ءِ کلچر پُشت ءَ کپتگ۔ دگنیا ءَ کس بلوچ ءِ کلچر ءَ نہ زانت۔بلے مروچی سوشل میڈیا ءِ دور انت۔ اگاں ما یک روچے ءَ وتی کلچر ءَ تیئوگیں دنیا ءَ پیش دار ایں گڈا ایشی ءِ تہا ھرابی چے انت۔ سیمی مردم گشنت کہ کسے داشت کت کنت بکنت ئِے۔ اے مزنیں ھرچے اگاں ھرچ کسے ءَ در کیت پاگ ءُ نوکیں گدو جر زرت کنت نول ءُ باڈا کت کنت تر و تاب کت کنت۔ وتی وشی ءَ کلچر روچ ءَ دارگ لوٹ ایت۔ گڈا ہچ چوشیں توجیل ئے نیست کہ داراگ مہ بیت بلے اسل گپ ایش انت کہ اے گپ ءِ جند یک کامکائیں جنجال ئے۔ اے انچیں سرے دردئے کہ سر جمیں راج چرتےءَ کپتگ ۔کہ اے چے بلا و مسیبت ءِ مارا نہ چہورے کتگ ۔ بلوچ راج اگاں وتی درستیں تاگت ءَ دیگہ شر تریں کارے ءَ بجنت یا آ سر پد بنت کہ اے ھرابیں کارے گڈا ایشی ءَ شر و گہتر کنگ ءَ بجنت باز بدلی و گہتری کیت ۔

بائید انت بلوچ راج اے وڑیں گپےءَ وتی دل ءَ وردن ءُ ورگ ءَ چے مہ بارت چرتے ءَ مہ کپیت ۔ بلکیں گوں علمی تک و پہناتاں چیزاں بچاریت ۔اگاں مہ کلچر یک علمی میزان ءِ سرا ایر بکناں و بچاراں گڈا کلچر ھچ ازمان ءَ چے آتکگیں کتاب ئے نہ انت ۔ سوشیالوجی و سوشل سائینس ءِ ردا کلچر زند گوازینگ ءِ دروشم انت ۔ بیزاں زندمان (life style) انت ۔ ھمک ہند ئے وتی وتی کلچر بنت۔ ھر ھند ءِ انسان وہدے نوک نوک تہذیب ءِ دائرہ آتکگ چاگردی زندے بنا کتگ گڈا ہما وہدا انسان ءَ لاشعوری ھساب ءَ وتی زند یک کالبے ءِ توک ءَ مان کتگ ۔ ہر وڑ کار و ھسابءِ کتگ ئے گڈا ہمے کالب ءَ چے در نہ بوتگ انت ھاست ھاست ءَ اے درائیں ہرروچگیں سُر وپر ہما زمانگے ءُ ہما ھندے انسان ءِ کلچر بوتگ انت ۔

ڈاکٹر جمیل کلچر ءَ اے وڑ گیشنگ ئے جہد ءَ کنت ” کلچر یک انچیں لبز ئے کہ زندیے سرجمیں چست ءُ ایراں آ توری زہنی بہ بنت یا مادی یا دری یا توکی کلاں وتی امباز ءَ زوریت”۔ چہ اے گپ ءَ پدر انت کہ کلچر ذہنی ءُ مادی رویہ ءُ طرز عمل ءِ نام انت ۔ بیزاں یک راجے ءِ کلچر ءِ سرا زند گوازینگ ءُ کلچرءَ وتی زندمان (لائف اسٹائل) ءِ جوڑ کنگ ءَ ساری زہنی فکری ءُ مادی سطح ءَ چیزاں چاریت ءُ فیصلہ کننت ۔

روان انت

Share on :
Share

About Administrator

Check Also

بلوچستان،بیرون ملک سے آنیوالے 1074 افراد کا کورونا ٹیسٹ کرنے کا فیصلہ

کوئٹہ: حکومت بلو چستان کا بیرون ملک سے آنے والے 10ہزار 743افراد کے کو رونا …

Share
Share
Social Media Auto Publish Powered By : XYZScripts.com